Un blog para que tod@s os que o desexen coñezan o traballo que facemos en Educación Infantil no CPI Terras de Maside.
28 de noviembre de 2019
COUSIÑAS DO OUTONO
Durante este mes difrutamos xogando cos froitos do outono na tenda da CASTAÑEIRA:
Experimentamos coa báscula descubrindo cales eran os froitos máis pesados.
Tanto nos gustou que descompuxemos o número 10 e a súa metade, o 5, na casiña dos números:
E nas escaleiras o trasno Martiño deixou castañas descolocadas, e nos tivemos que ordealas e asocialas co número correspondente:
QUE BEN O PASAMOS!!
26 de noviembre de 2019
DÍA INTERNACIONAL CONTRA A VIOLENCIA DE XÉNERO
Onte, 25 de novembro, celebramos o Día Internacional Contra a Violencia de Xénero dunha maneira especial, pois o Concello de Maside, para celebrar o día, agasallounos cunha magnífica actuación do grupo contacontos teatral "TRINKE-TRINKE"para todos os nenos e nenas de educación infantil e primaria.
O ratiño Fuco de Lonxedetodo contounos que estaba preparando unhas galletiñas e unha infusión para unha visita que ía recibir.
Mentres esperaba contounos como limpaba e cociñaba na súa casiña.
Por fín, chegou a visita esperada!
A gran Lilí Gruyère, a artista máis internacional de todas as ratiñas e ratiños de Lonxedetodo.
A gran Lilí Gruyère, a artista máis internacional de todas as ratiñas e ratiños de Lonxedetodo.
Pero como a infusión que lle preparara Fuco estaba moi quente, decidiu contarnos un conto para darlle tempo a que arrefriase.
Con Oliver descubrimos que todos e todas podemos ser o que nos propoñamos.
Nese intre a ratiña acababa de recibir un importante encargo profesional:
a dirección do musical " O ratiño presumido" que sería representado por Fuco e algúns axudantes namestres ela facía de narradora.
Todas e todos recitamos ao compás da vasoira do ratiño Fuco:
"La, lará, lariña, varro a miña casiña...,
La, lará, laroto, varro, frego e froto..."
E colorín colorado este conto quedou rematado.
Moitas grazas ao Concello de Maside pola súa cortesía.
Suscribirse a:
Entradas (Atom)