FELIZ CUMPLEANOS!!!!

Durante o mes de xaneiro cumpliron anos A. e S. Para celebralo fixemos un taller de cociña con galletas de xenxibre que por certo estaban boísimas. Se queredes facelas na vosa casa é moi sinxelo e moi entretido e ós nenos e nenas encántalle participar na súa elaboración. Animádesvos???

 GALLETAS DE XENXIBRE E CANELA

•  260 gr de fariña 150 gr de manteiga ou margarina 
• 100 gr de azucar moreno 
• 5 gr de bicarbonato 
• 1 culleriña de canela en polvo 
• 1 culleriña de xenxibre en polvo
• 1 ovo 
• Unhas areas de sal

 Mezclamos os ingredientes (a fariña mellor tamizada), amasamos, estiramos cun rodillo e deixamos un grosos de un centímetro máis ou menos. Facemos as formas e poñémolas no forno a 180ºuns 15 ou 20 minutos. Decorar e...a comer!!!
  Mirade que ben o pasamos nós...

O DÍA DA PAZ

O pasado 30 de xaneiro celebrouse o DÍA DA PAZ E NON VIOLENCIA.
Durante esa semana fixemos toda unha serie de actividades para conmemorar dito día.
Deixámosvos unhas letras que axuden á reflexión e que os nenos e nenas aprenderon para cantar todos xuntos. O máis importante e non esquecer que o día da paz deberían de ser todos os días do ano!!!!

"Cantemos collidos das mans este son: 

¡Que vivan a paz e o amor! 

Unamos os pobos sen odio e rancor: 

¡Que vivan a paz e o amor! 

Que todos os nenos levanten as mans 

que todos os nenos levanten a voz 

¡máis guerras non! 

¡máis odios non! 

¡que vivan a paz e o amor! 

Amigo de lonxe, ¿que importa o lugar? 

¡que vivan a paz e o amor! 

Xuntémonos todos. Cantemos en paz

¡que vivan a paz e o amor!" 

O NOSO AMIGO MISTERIOSO

Cando chegamos en setembro ao cole comezamos a recibir cartas nas aulas de Infantil dun “amigo misterioso” con pistas para adiviñar o seu nome…. Despois de ler moitas, conseguimos descubrir que quen as enviaba era…. Philleas Fogg!!!, o protagonista da novela “Viaje al mundo en 80 días”, escrito por Julio Verne. Como moitos nenos e nenas non tiñan este conto, o señor Fogg enviounos un para cada rapaza e rapaz como agasallo e vimos a película que trouxo A. de cinco anos. Propúxonos ir con el facer unha viaxe polos países por onde el viaxara. Tamén coñecemos a biografía de Julio Verne…. e fixemos a nosa coa axuda das nosas mamis e papis!! Antes de saírmos dar a volta ao mundo, regalounos un mapa do mundo, ensinounos unha canción e preparamos os pasaportes que deberemos selar en cada país ao que viaxemos…. Xa estamos preparados para comezar a nosa viaxe polo mundo no 2013!!!!!

ALMORZOS SAUDABLES

O pasado 16 de xaneiro os nenos e nenas de Educación Infantil xunto cos de Educación Primaria tiveron a oportunidade de participar na actividade que promociona a Consellería de Sanidade e que leva por título "Almorzos Saudables". Primeiro asistimos a unha pequena charla e despois almorzamos un montón de alimentos sans e equilibrados que nos encheron de enerxía para o resto da mañá. Que rico estaba todo!!! Mmmm!!!!

VISITAMOS A COCIÑA

Como xa sabedes, todos os meses facemos un taller de cociña, e facemos un montón de receitas. Con tal motivo estivemos facéndolle unha visita ás cociñeiras e estivéronnos ensinando todo o que empregan para facer uns menús riquísimos. Despois aproveitamos e estivemos traballando nós tamén na cociña, aprendendo cousas sobre os menús saudables e a súa elaboración.

UN AGASALLO XENIAL

Á volta das vacacións de Nadal tivemos un agasallo moi especial...pensamos que os Reis Magos pasaron polo cole e nos deixaron un recordo no patio. Estamos moi emocionados de que eso ocurrise, ainda que...a rede do patio quedou algo descolocada e os nen@s de infantil pensan que igual algún camelo estivo xogando mentres os Reis facían maxia!!!!!

A que é chulísimo????

ADEUS NADAL

Xa estamos de volta no cole despois do Nadal. Todos os nen@s viñeron moi contentos desexando ver os seus amigos e contar todas as cousiñas que lle deixaron os Reis Magos, PapáNoel e o Apalpador nas súas casiñas.
Por certo que antes das vacacións os Reis Magos viñeron ó cole a recoller as cartas...así non me extraña que houbera tantos agasallos!!!

Tamén participamos no Festival de Nadal do cole e esperamos que a nosa actuación lle gustase a todo o mundo...xa sabedes que somos pequenos e nos da moito traballiño facelo ben... pero nós intentámolo e ademáis encántanos participar cos outros nen@s e nenas do cole...

Estivemos atentísimos nas outras actuacións e pasámolo xenial no escenario!!!