O pasado 14 de maio fomos de excursión a Ourense, onde visitamos a protectora de animais, "PROGAPE", que tantas gañas tiñamos de coñecer:
Todos cargados con agasallos para a protectora e moi ledos coñecemos o lugar onde viven os cans e gatos que non teñen un fogar.
O que máis nos impresionou foi ver uns gatiños recén nacidos que atoparon no lixo, e unha vez recollidos, deixáronos na protectora, onde lle están a dar biberóns para que poidan sobrevivir sen a súa mamá.
A un gatiño, por coincidir coa visita do cole de MASIDE, puxéronlle de nome "MASI":
Despois de coñecer todas as instalacións e as persoas que alí traballan ( dúas coidadoras,unha persoa para a limpeza e un veterinario), despedímonos de todos os animais:
E marchamos cara a cidade para disfrutar dunha sesión de títeres no Auditorio Municipal, pero antes
de entrar, repuxemos forzas tomando un tentempé:
E agora chegou o turno de disfrutar do espectáculo de monicreques "GUYI-GUYI":
CANTO DISFRUTAMOS E QUE BEN O PASAMOS!!!!!!